Profesori universitar, Blerim Latifi, e ka komentuar aksionin e PSD-së, para qeverisë së Kosovës.
Latifi thotë se opozita në Kosovë është reduktuar në dy njerëz: Ramush Haradinajn në Kuvend dhe Dardan Molliqajn në rrugë.
Ndërsa, siç thotë Latifi, LDK dhe PDK po konsumojnë shenjën e parë të gjendjes depresive: mungesën e vullnetit për t’u ngritur nga shtrati.
“Krejt opozita në Kosovë është reduktu në dy njerëz: Ramush Haradinajn në Kuvend dhe Dardan Molliqajn në rrugë. Ndërkaq, LDK dhe PDK po konsumojnë shenjën e parë të gjendjes depresive: mungesën e vullnetit për t’u ngritur nga shtrati”, ka shkruar Latifi.
Në anën tjetër, Partia Socialdemokrate, përmes një aksioni para objektit të qeverisë, i ka kundërshtuar masat e marra për parandalimin e COVID-19.
Aty është shpalosur një parullë drejtuar ministrit të Shëndetësisë, Arben Vitia, të cilin e kanë quajtur: doktor hipokriti.