Del rezultati i testit COVID-19 për kryetarin e Komunës së Ferizajt

Kryetari i Komunës së Ferizajt, Agim Aliu, ka bërë me dije se rezulitati i COVID-19 i ka rezultuar negativ.

Lajmin e ka bërë me dije Aliu nëpërmjet një postimi në llogarinë e tij në “Facebook”.

Njoftimi i plotë i Aliut:

Të dashur bashkëqytetarë!

Pas konfirmimit pozitiv me virusin COVID-19 të njërit nga drejtorët e Komunës, iu nënshtrova testit për këtë virus bashkë me stafin tim dhe gjithë ekzekutivin. Nga rezultatet që pranova, doli se jam NEGATIV në testin e virusit COVID-19, kurse për anëtarët tjerë të kabinetit tim, jemi në pritje të rezultateve.

Ju lus, mos shpërfillni këtë virus, respektoni masat mbrojtëse, duke ruajtur kështu shëndetin tuaj e të familjes.

Vazhdojmë, me punë të dobishme për Ferizajn e ferizajasit!

Ju faleminderit të gjithëve që gjatë këtyre ditëve, ndatë shqetësimin me ne!

Comments are closed.