Ministri Bislimi tregon pse u shpall konkurs për pozitën e Drejtorit të Përgjithshëm të Doganës së Kosovës

Ministri i Financave dhe Transfereve, Bisnik Bislimi, ka dhënë sqarime në lidhje me shpalljen e konkursit publik për për pozitën e Drejtorit të Përgjithshëm të Doganës së Kosovës.

Ai po ashtu, e ka inkurajuar drejtorin ekzistues të Doganës së Kosovës, Bahri Berisha që të aplikojë për të njëjtën pozitë, raporton Gazeta Evropa.

Postimi i plotë i ministrit Berisha në llogarinë e tij në “Facebook”:

Të nderuar qytetarë,
Në përputhje me autorizimet e mia si Ministiër në Ministrinë e Financave dhe Transfereve, kam udhëzuar administratën e ministrisë që të shpallë konkursin për pozitën e Drejtorit të Përgjithshëm të Doganës së Kosovës. Këtij vendimi i ka paraprirë një vendim tjetër i Kryeministrit të Republikës së Kosovës, z. Albin Kurti, i datës 7 shkurt, me të cilin është anuluar vendimi i ish kryeministrit në detyrë, i datës 24 janar, përmes të cilit i ishte vazhduar kontrata drejtorit ekzistues.
Këto dy vendime në asnjë rrethanë nuk e prejudikojnë performancën e drejtorit ekzistues. z. Bahri Berisha, për të cilin ruaj respekt të veçantë. Drejtorit aktual i ka skaduar mandati dhe procedurat kërkojnë hapje të konkursit, e në të cilin unë e inkurajoj fuqishëm që të aplikojë.
Me respekt.

Comments are closed.