Ministria e Financave realizon pagesat për familjet që s’kanë askënd të punësuar

Ministria e Financave ka realizuar sot pagesat për familjet që nuk kanë askënd të punësuar, raporton Gazeta Evropa.

Këtë lajm e ka bërë të ditur ministrja e Financave, Hykmete Bajrami.

Njoftimi i plotë i ministres Bajrami:

Kam kënaqësinë t’ju informoj se sot (dt. 29.06.2020) Ministria e Financave ka realizuar pagesat për masën 15 në shumë prej 1,991,210.00 euro për 15,317 familje përfituese të cilët nuk kanë asnjë anëtar të familjes të punësuar.

Përfituesit mund t’i tërheqin mjetet që nga dita e nesërme.

Me këtë rast, lusim përfituesit që të kenë kujdes të shtuar, të shmangin radhët apo grumbullimin para sporteleve, në pajtim me udhëzimet nga institucionet shëndetësore.

Comments are closed.