Nisma vendos, kështu do të garojë në zgjedhjet e 14 shkurtit

Kryetari i Nismës Socialdemokrate, Fatmir Limaj, ka thënë në emisionin Pressing në T7 se partia e tij do të shkojë e vetme në zgjedhjet e 14 shkurtit.

“Nisma do të shkojë e vetme në zgjedhje të 14 shkurtit. Kemi bërë përgatitje sikur cdo parti”, tha ai.

Limaj tregoi edhe pse nuk u arrit një koalicion me ndonjë parti tjetër.

“Ne para se të vijmë te ky afat kemi pasur bisedime të ndryshme, dhe kemi shprehur dëshirën që pas zhvillimeve të fundit, pas qershorit dhe zhvillimeve që po ndodhin të lidhim një koalicion. Si Nismë kam shprehur gatishmërinë që forcat patriotike të vendit të ulemi dhe të bisedojmë. Ne emër të saj kemi bërë hapa në muaj e fundit për të arritur të tejkalojmë vetveten dhe gjërat që janë më të vogla. Ka pasur një interesim të vazhdueshëm dhe kërkesë të bashkëluftëtarëve dhe invalidëve etj., që të gjejmë rrugë të përbashkët dhe të ndërtojmë rrugë të përbashkët. Kjo nuk është bërë fatkeqësisht. Kam dëgjuar dëshirën e qindra njerëzve që kanë dëshiruar të shohin një fron të përbashkët mes PDK dhe Nismën. Kjo shancë u humb dhe nuk u konkretizua. Na vjen keq”, ka thënë Limaj.

Comments are closed.