Rritja e rasteve me COVID-19, Zemaj paralajmëron masa të reja

Ministri i Shëndetësisë, Armend Zemaj, ka thënë se gjatë ditës së sotme do të mblidhet Bordi Këshillëdhënës për COVID-19, për t’i shqyrtuar masat e vendosura.

Zemaj para fillimit të mbledhjes së Bordit Këshillëdhënës, ka deklaruar se janë duke analizuar situatën por që më nuk do të ketë mbyllje.

“Ne jemi duke analizuar situatën çdo ditë, fjalën mbyllje e kemi larguar para tre muajve dhe fjalën izolim, do të bëjmë çmos që të mos vijmë në atë drejtim. Do të marrim masa strike që e parandalojnë përhapjen e COVID-19”, theksoi ai.

Zemaj pohoi se duhet të shtohet kujdesi për virusin.

“Sot e kam mbledhur Bordin Këshillëdhënës dhe do të rishikojmë masat, do të shohim nëse në këtë drejtim do të lëvizim me ndonjë masë shtrënguese. Sido që të jetë, ne jemi në vrojtim të situatës në çdo moment që të mos kemi rritje të infeksionit apo dalje jashtë kontrollit të situtatës”, tha Zemaj.

Në 24 orët e fundit në Kosovë si pasojë e koronavirusit kanë humbur jetën dy qytetarë, janë prekur 104 të tjerë, dhe janë shëruar 42.

Comments are closed.