Tërmkolli reagon për shkarkimin e Hotit, drejton akuza të rënda ndaj Kurtit

Anëtarja e Këshillit të Përgjithshëm të LDK-së, Melihate Tërmkolli, ka reaguar ndaj shkarkimit të Avdullah Hotit nga kryeministri në largim Albin Kurti.

Ajo ka thënë se evoka dhe etja e Kurtit për pushtet absolut është mbi shtetin, mbi popullin, raporton Gazeta Evropa.

“Kosova nuk ia pat borxh as shkarkimet, as rrëzimin e qeverisë në kohë coronavirusi. Por ai nuk sheh as popull, as shtet. E sheh veç Albinin i cili kënaqet dhe mbijeton vetëm në kaos, në anarki, në trazira, për të treguar kush është ai”, ka shkruar Tërmkolli në llogarinë e saj në “Facebook”.

Postimi i plotë i Tërmkollit:

Albini i natës!
Kryeministri i shkarkuar nga Kuvendi i Kosovës me më shumë se 2/3 e votave, Albin Kurti, në terrin e natës e paska “liruar” nga detyra Zv/Kryeministrin Avdullah Hoti. Hakmarrje! E ulët edhe për një person të rëndomtë lëre më për një “kryeministër! Tërë ditën foli kundër veprimeve të natës e si për çudi vetë paska ra në kurthin e natës. Ky është Kryeministri i shkarkuar. Egoja dhe etja e tij për pushtet absolut është mbi shtetin, mbi popullin. Kosova nuk ia pat borxh as shkarkimet, as rrëzimin e qeverisë në kohë coronavirusi. Por ai nuk sheh as popull, as shtet. E sheh veç Albinin i cili kënaqet dhe mbijeton vetëm në kaos, në anarki, në trazira, për të treguar kush është ai. Në seancën e Kuvendit të Kosovës, Albini dje përmendi edhe gjakderdhje, ashtu si mësuesit e tij Rexhep Qosja e Adem Demaçi, të etur për gjak shqiptarësh, për “revolucione demokratike”. Këtë e kanë në gjak, e kanë ideologji, lajtmotiv jetësor! Por janë të humbur, nuk do t’i lejojmë! “No pasaran Albin, No pasaran”!.
#MT

Comments are closed.