Vaksina e Oksfordit kundër COVID-19 mund të ruhet në një frigorifer normal, bëhet i ditur çmimi i saj

Universiteti i Oksfordit ka njoftuar rezultatet e fundit të vaksinës së ndaj coronavirusit në provat klinike, në një tjetër hap përpara në garën për t’i dhënë fund pandemisë.

Sipas Daily Mail, përcjell Telegrafi, Britania e Madhe tashmë ka porositur 100 milionë doza të vaksinës, e cila thuhet se mund të ruhet në një frigorifer normal, ndryshe nga vaksinat e tjera që treguan rezultate të ngjashme premtuese javën e kaluar.

Siç bëhet e ditur, provat e Oxford zbuluan se vaksina ka një mundësi prej nëntë në dhjetë raste për të funksionuar kur administrohet fillimisht si gjysmë doze dhe pastaj një dozë të plotë një muaj më vonë.

Analiza e kombinuar nga të dy dozat rezultoi në një efikasitet mesatar prej 70.4 për qind, tha Universiteti i Oksfordit/AstraZeneca, me Sekretarin e Shëndetësisë së Britanisë, Matt Hancock duke thënë se miliona doza do të jenë gati deri në fund të dhjetorit.

Ai i tha BBC: “Shpresojmë të jemi në gjendje të fillojmë vaksinimin muajin tjetër. Pjesa më e madhe e programit të shpërndarjes së vaksinave do të jetë në janar, shkurt, mars. Dhe ne shpresojmë që diku pas Pashkëve gjërat të jenë në gjendje të fillojnë të kthehen në normalitet”.

Vaksina britanike për shpëtimin e jetës, që kushton nga 2 deri në 4 funte secila (4.5 euro), shihet si shansi më i mirë i Britanisë për vaksinimin masiv të popullsisë deri në fund të pranverës, sepse Boris Johnson ka porositur 100 milionë doza.

Kryeministri shkroi në Tëitter: ‘Lajme tepër emocionuese, vaksina e Oksfordit ka rezultuar kaq efektive në prova. Ende ka kontrolle të mëtejshme të sigurisë, por këto janë rezultate fantastike. Bravo për shkencëtarët tanë të shkëlqyeshëm në @UniofOxford & @AstraZeneca, dhe të gjithë atyre që janë bërë vullnetarë në testime”.

Comments are closed.